كلام بالعــــقل(الفلاح)

طيب غريبه جدا كلنا بنشتكي من العيشه والغلاء الي بقه مسيطر عينا جميعا طيب الفلاح البسيط ده عايش ازاي مع ان كلنا او يمكن معظمنا الي يسال ابوه يقولو انا ابويا كان فلاح وبيصرف علينا وخلانا دكتره ومهندسين وظباط ولحد دلوقتي في نماذج كتير كده طيب الفلاح ده الي بيعتمد علي الزراعه الموسميه ويمكن يكون مش صاحب ملك ممكن يكون مؤاجر عند شخص عنده فدان مثلا او اتنين طيب ليه هما قدرين واحنا لاء اه في سلبيات بتحصل ليهم لكن هما عايشين وبيقدرو يدبرو امورهم الفلاح المصري نموذج مهم لازم نتناقش فيه لانه في اعتقادي نموذج مثالي للبدايه لان البدايه دائما تاتي من القواعد واظن ان الفلاح المصري هوه القاعده لبدايه اي شيئ في مصر

ربنا اعطى للفلاح نعمة عظيمه الا وهى الرضا نعمة لو عرف قدرها الناس الرضا بيولد السكينه ويحسس الواحد ان ربنا موجود ومش هيسيبه -- بيعلم الواحد ازاى يتوكل ع الله فى كل شيئ بيتوكل على الله فى رزقه مش بقول يتواكل وفيه فرق بين الاتنين

اللهم آمين

مش مشكلة ما يغور الفلاح في ستين داهية ما هو من زمان كده هو حد شافه ولا اهتم بيه
يتحرق
ده لسان حال النظام بتاعنا

مش الفلاح بس اللى بيتقال له غور كل فئات الشعب الغلابه
الموظف البسيط والعامل الغلبان وكل محدودى الدخل كل دووووووووول مش تبع الخطه ولا مدرجين ف النظام بس الحق يتقال شغالين من نااااااار كل كام شهر رصيف يترصف ويرجعوا يكسروة ويرصفوة تانى وحياة ربنا زى ما بقول ولا الارض ايه كل شويه يسفلتوها ويزرعوا شجر اشكال والاوان باين عيه مستورد امال ايه هيزرعوا شجر الفلاحين بتعونا يع

هذا نظام عام الكل مهان ومردج تحت خط القهر وليس الفقر وحسب

إذا بتحبوا أشارك في الموضوع من باب واقع الفلاح الفلسطيني
والفلاح المصري وما يؤدي إلية الفقر من أمور على أرض الواقع
فأخبروني إذا احببتم أن أشارك في هذا الموضوع الواقعي والجميل

اهلا بك بالطبع نحب

كلامكم دة على الفلاح بتاع زمااااااااااااااااان
تعالوا شوفوا فلحين الايام دى بيصحوا الساعة 10 صباحا
بيقوم يفطر على ما الغداء يجهز وبعدين ياخد تعسيلة لحد العصر
وياعالم لوراح أرضة النهاردة لانة خايف يفوتة المسلسل العربى اللى بيجى المغرب ويادوووووب يشرب شاية ويلحق يسهر مع أصحابة على المقهى ويرجع متأخر بعد منتصف الليل وممكن الفجر ،،، وهكذاااااااااااا

بصراحة هو اللى ظلم نفسة بنفسة لانة لو ركز فى أرضة وأعتنى بها
سوف تدر علية محصول وفيييييير من خلاله يستطيع أن يكون قوى مؤثرة بأنتاجة وكمان يكفى احتياجاتة المعيشية ،،،

الفلاحين النهاردة بقيت كووووووووووووووول خالص

محلاها عيشة الفلاح بيات متهني علي الدش والذي منه

هههههههههههههههههههههه
صح كلامك يا درش

ماهو ياعم أيمن سبب ضعفنا عموما مش الفلاح وبس

أن كل واحد فينا أهمل وأجبة وعاش وكأنة مغيب العقل

ودائما مانحب التقليد الاعمى وليس النافع وكفاية أننا بلد

تعتمد على الزراعة وبعد أن كنا نتميز بأنتاج القطن طويل التيلة

الى الخارج بيقنا بنستوردة ونستورد البذور المشعة هههههه

والقطن الصناعى( الالياف أو الالوان) خد مكانة مش حاجة تجنن !!!

» كلام بالعــــقل(الجدار العازل)