رباعيات صلاح جاهين

مع إن كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!

عجبى عليك .. عجبى عليك يا زمن
يا بو البدع يا مبكى عين دماً
إزاى أنا أختار لروحى طريق
وأنا اللى داخل فى الحياة مرغماً
عجبى !!

مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا الحياة
وبكره ح أخرج منها شايلنى شيل
عجبى !!

سنوات وفايته عليا فوج بعد فوج
واحدة خدتنى إبن والتانية زوج
والتالتة أب خدتنى والرابعة إيه
إيه يعمل اللى بيحدفه موج لموج ؟
عجبى !!

وأنا فى الضلام .. من غير شعاع يهتكه
أقف مكانى بخوف ولا أتركه
ولما ييجى النور واشوف الدروب
أحتار زيادة .. أيهم أسلكه ؟
عجبى !!

نظرت فى الملكوت كتير وانشغلت
وبكل كلمة (ليه ؟) و(عشانيه) سألت
اسأل سؤال .. الرد يرجع سؤال
واخرج وحيرتى أشد مما دخلت
عجبى !!

خرج ابن آدم م العدم قلت : ياه
رجع ابن آدم للعدم قلت : ياه
تراب بيحيا .. وحى بيصير تراب
الأصل هو الموت والا الحياة ؟
عجبى !!

ضريح رخام فيه السعيد اندفن
وحفره فيها شريد من غير كفن
مريت عليهم .. قلت يا للعجب
لاتنين ريحتهم فيها نفس العفن
عجبى !!

ياما صادفت صحاب وما صحبتهمش
وكاسات خمور وشراب وما شربتهمش
أندم على الفرص اللى انا سبتهم
والا على الفرص اللى ما سبتهمش
عجبى !!

والكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود
عجبى !!

غدر الزمان يا قلبى مالهوش أمان
وحاييجى يوم تحتاج لحبة إيمان
قلبى ارتجف وسألنى .. أأمن بإيه ؟
أأمن بإيه محتار بقالى زمن
عجبى !!

يا باب أيا مقفول .. إمتى الدخول
صبرت ياما واللى يصبر ينول
دقيت سنين .. والرد يرجع لى : مين ؟
لو كنت عارف مين أنا .. كنت أقول
عجبى !!

يارب تعجبكم...

Razz

الله عليك والله يرحم الاستاذ صلاح جاهين واسمحي لي ان اذيد مما احفظ له من رباعيات

جالك أوان ووقفت موقف وجـــود

يا تجود بده يا قلبي يا بده تجــــود

ما حد يقدر يبقي علي كل شـــــــئ

مع إن – عجبي – كل شئ موجود

يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

الدنيا من غير الربيع ميّته

ورقة شجر ضعفانه ومفتفته

- لأ يا جدع غلطان تأمّل وشوف

زهر الشتا طالع في عز الشتا

إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

بجد حلوييييين جدا كان نفسى اقرء ربعيات لصلاح جاهين مشاء الله عليكى يا روز فى كل مكان فى الصالون اجد لكى بصمة جميله
والظاهر ان حشيش هينافسك من ساعت ما رجله جالت الصالون وهو عينى عليه باردة عمال يلف فى كل الصالونات بس الحقنى نفسك بقى يا روز اوعى حد يسبقك

كم كان هذا الرجل شاعرا مبدعاً , حتى اننى اعتبره من رواد الشعر العامى فى مصر وربما كان افضلهم بالنسبة لى , تحياتى (روز) , ولك ايضا استاذ (سيد) , لما اتحفتمونا به من شعر ذلك الانسان الرائع والمبدع (صلاح جاهين).

والحبه دول من اجلtravelerوكلامه الجميل.
عيني رأت عصفور ووياه ابنه

بيحدفه في الريح وياخده ف حضنه

نوبتين وتالت نوبه - عجبي عليهم -

كانوا سوا بيرفرفوا ويغنوا

ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

عجبي على العجب العجيب العجاب

لما الحقيقة تطل بعد احتجاب

و تروح و تحلا وفجأة تصبح مفيش

كمثل طراطيش بحر ياما خد و جاب

لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم

مرغم عليك يا صُبح مغصوب يا ليل

لادخلتها برِجْليَّا ولا كانلي ميل

شايلنِّي شيل دخلت انا في الحياة

وبكره ح اخرج منها شايلِّني شيل

ليه يا حبيبتي ما بيننا دايماً سفر

ده البعد ذنب كبير لا يُغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

وعجبى

» الشوارع حواديت........صلاح جاهين
» رباعيات ابن عروس