هل؟

سؤال سهل وبسيط ياجماعه هل نحن نعاني من مرض انفصام في الشخصيه؟؟؟؟؟؟؟؟
ارجو الاجابه مع تحديد السبب

هل السؤال صعب لهذه الدرجه؟؟؟؟؟؟؟؟؟؟؟؟؟؟
ام ان الاجابه مؤلمه لدرجه اكبر؟؟؟؟؟؟؟؟؟؟؟؟؟؟؟

طيب ما تعطينا فكرة عن الانفصام دة او اعراضه ونشوف عندنا ولا لاء

مثلا يامي
عندما يتحدث الاخرون يكون طلبنا ام يسمعونا ونعتب عليهم عدم الانصات لنا او اعطائنا الفرصه لابداء ارائنا
ولكن حينما نتكام لانعطي الاخرين اي فرصه للكلام

حشيش لو سمحت وضح يعنى ايه انفصااااام عرف المرض ونوعه نفسى ولا عقلى ايه اعراضه وايه اخطارة وازاى نتجنبه
انا اللى اعرفه عن الانفصام الشيزوفرنيا انه مرض عقلى انما متهيقلى انت تقصد مرض الازدواجيه ودة مرض نفسى يعنى يا ريت توضح يا دكتور

بالضبط يامي انا اقصد الازدواجيه يامي

ما انا عارفه ان قصدك الازدواجيه بس تقريبا انت كنت بتهزر معنا
طيب يلا قول الاعراض علشان نشوف عندنا الازدواجيه دى ولا لاء

الاعراض يامي
لما الواحد يروح الشغل حاطط برفان وحالق دقنه ولما يعد في البيت يلبس اي حاجه وريحته تقرف
لما الواحده تكون صاحبتها جيالها او ريحالها تكون علي سنجه عشره ولما تقعد مع جوزها بالمنديل ابو قويه وريحتها بصل
لما نتكلم مع اصحابنا ضحك وتهريج واخر انسجام ولما نتكلم في البيت قرفانين وزههقانين ومش عايزين حد يكلمنا وصدقيني لو جاله تليفون او جالها من احد الاصدقاء ضحكه يسمع الي في استاد القاهره بدون ميكروفون
والاهم يامي حينما يتحدث احدنا فهو حكيم الزمان والشخص المثالي وينقد الفساد والمفسدين ولما يعمل فهو اول الفاسدين وعلي الاقل لن اقول مرتشي ولكن هاقول انه يتبع اسلوب فوت علينا بكره يا استاذ واستنا لما نفطر وانت مش شايفنا بنتكلم وهكذا

طبعا أغلب الناس إن لم يكن كلكهم ..
هل أحد منا لم يكذب ؟
الكل كذب..
زهذا اول الانفصام في الشخصية ..
الأقنعة كثيرة اليوم ..والأطايف زادت عن السبعة ألوان..