اعمدة لا غنى عنها

Amr Don Legend

انا شايف ان اهم حاجه فعلا هى الحب بالاضافة الى ان كل واحد منهم يحاول انه يعمل اقصى جهده عشان يسعد الطرف التانى و بكده هيبقى كل من الطرفين حريص على انه ميزعلش التانى و ده يحقق شرط " وجعلنا بينهكم موده و رحمه " و بالاضافه الى التفاهم و الذكاء فى التعامل مع المشكلات و الحب زى مقولت ..... انشاء الله كله يبقى تمام و الاعمده تمام و يقدرو يقومو بالدور التانى ..... بس خلاص

برضه مش قلت يا عزيزى ايه باقى الاعمدة
انا بطرح الموضوع علشان نشوف ايه الاعمدة اللى مفروض تبقى موجودة غير عمود الحب ويا ترى الاعمدة دى ترتبها ازاى
وبعدين انت بتقول ان الحب اهم عمود انا ليا رئيى تانى بس منتظرة تفاعل الناس

على فكرة انا مش بتكلم على اسس اختيار الزوج والزوجه لالالالا انا بتكلم على بيت قائم فعلا فيه زوج وزوجه واولاد

هناك يامي عمود واحد واساسي تقوم عليه الحياه الزوجيه من وجهه نظري هذا العمود اسمه الاحترام
احترام الاخر في كل شئ احترام .

مكات من بدرى ...

د انا حسيت انى (تييت)....

(مى : اربعة اعمدة المال والبنون, والجنس والعشرة الطيبة )

الجاجات اللى انتى بتتكلمى فيها ديه لا مفر منها هى فعلا اعمده تقوم البيت بس

لكن اللى انا قولته هى اعمده لتقوية البيت مش تقومه بس

انا سالت والدتى مرتين " هو انتى بتحبى بابا "

اول مره كان فيه خناقه بينهم

فكان ردها : لا عادى مش بحبه اهو ابو ولادى و خلاص

فى المره التانيه كان كله تمام و الحياه قشطه

فكان ردها : اه طبعا بحبه و بموت فيه كمان

و ده دليل على ان الحب دائم الوجود طوال الحياه لكن تتفاوت نسبه .....

و ده بيرجع لتحقيق الحاجات اللى انا قولتها ...

1-التفاهم 2- الذكاء فى التعامل مع المشكلات 3- كل واحد يبقى حنين على التانى 4- كل واحد بخاف على التانى 5 - الاحترام

بس كده

اربعة اعمدة المال والبنون, والجنس والعشرة الطيبة
هلا يا ريس نورت الموضوع بس اختلف معاك وتعالى نتناقش
لو فيه بيت من غير اولاد يعنى زوج وزج بس تنفع الحياة ولا لاء
طبعا ينفع يبقى هذا العمود مش اساسى
المال يعنى فقراء يا ما بيوت فقراء وعايشين
والجنس لما الزوج الحكم بيصفر عليه برضه بتستمر الحياة ويبقى عايش مع اخته عادى يعنى
العشرة الطبيه دى مربط الكلام ياما بيوت عايشه والحيطان مداريه مشاكل يعنى ما فيش عشرة طيبه ومع ذلك الحياة ماشيه

هلا حشيش
من وجهة نظرك الاحترام بس عمود واحد بس بحبحها شويه يا اخى
انا بقول ان فيه اعمدة مش عمود واحد بس على فكرة مش شرط كل الاعمدة تبقى موجودة وقائمه يكفى عمود واحد زى ما انت بتقول بس بحبحها شويه يا اخى مضيقها ليه ومع ذلك اتفق معك فى هذا العمود
الاحترااااااااااام
يا مسهل بالباقى بقى

هلا زويدى اتفق معك فى عمودين الا وهما الاحترام والتفاهم اما البقى فلا (التعامل بذكاء مع المشكلات والحنان المتبادل ) جميل لو موجودين بس لو مش موجودين برضه ينفع استمرار الحياة
يلا يا جماعه كدة عندنا عمودين
الاحترام والتفاهم
مين يزووووووود

التفاهم ...
وهذا معقد الأمل في نجاح أي زواج ..ولكن هل منا الكثير من يملك هذا الأمر ..هذا الصعب ...
ومن التفاهم يأتي الوعي بالآخر ..

والشعور بحقه عليه وواجبه نحوه.
ومعرفة حدود الواجبات الفاصلة عن الحقوق.
والتحاور والمصارحة
ثم التسامح
والاستيعاب لما هو يعن لنا من مطالب ..
هذه أمور صعبة التحقق ،لأننا نفقد بوصلة الحق والواجب وبختلط كل شيء ،ثم يكون الحوار مبتورا ، بل يكون في شكل أمر ونهي ،وتنفيذ ،دون مناقشة ،والارتداد إلي الصواب عندما أشعر أني خطأ.
الصمت شيء قاتل في الحياة الزوجية ،وهو ما نقع فيه .
ثم الكذب وهو كثير كثير كثير بيننا ،ويكذب من يقول سواء مرأة أو رجل أنه لا يكذب ،لأنه يفعل شيئا قد يري في المصارحة به كشفا وتعرية ، لذا نقي سجناء عقد نفسية تافهة تكبر وتكبر حتي تهدم الحياة الزوجية أو تجعلها صنم بلا روح ..وهذا سائد بين الأزواج ..ومن يكذب هذا ،أقولها بكل صراحة ..هذ شخص غير مرهف الشعور ،وسميك الاحساس ساء أنثي أو رجل ..وهذا كثير كثير .. وكلمة الرهافة والسمك يطول شرحها .. وحتي لو قلنا الكثير الطبع يغلب التتطبع ،والمادية بمعناها الشمولي وأعرف الكثير سوف يستعصي عليه فهم المادية كما أريد ولكنها الهادم الأولي لكل حياة زوجية ..والمادية بمعناها الفلسفي الواقعي وليس المال كما سيفهم البعض أو الكل ..

اهلا ايمن منور والله يعنى انت من رئيك ان التفاهم عمود مهم من اعمدة البيت ويا ترى التفاهم هو العمود الوحيد المطلوب ولا فيه اعمدة تانى عموما انا من رئيى انهم ثلاث اعمدة كدة جبنا عمودين لغاية دلوقتى الاحترام والتفاهم باقى عمود ثالث يا ترى مين هيقوله
يلالالالالا يا جماعه العمود الباقى معرووووف

هذه الأعمدة هي الاحترام والتفاهم والامتزاج العقلي والفكري والروحي.. فإذا تصورنا أن هناك أعمدة يتأسس عليه أي زواج.. فإن أضعفها هى العلاقة الجسدية.. فماذا عندما يهرم الزوجان ؟ وتنتهي صلاحية الشهوة فيهما.. هل يتخليان عن بعضهما البعض.

تقبلي مروري أختي مي

هلا معاذ بجد منور
التفاهم والاحترام اوافق على هذان العمودان
والامتزاج العقلى والفكرى والروحى لالالالالا اوافق انهم من الاعمدة لان ياما بيبقى موجود عدم اتفاق فكرى وعقلى وروحى بين الزوجين ومع ذلك الحياة ماشيه
لغاية كدة عمودين باقى عموووووود هو الحب

كدة يا جماعه وصلنا الى ثلاث اعمدة مهمين لبقاء البيت واستكمال العشرة ( الاحترام - التفاهم - الحب )قبل ما نبدء نتناقش فيهم حد عاوز يزود اعمدة تانى بس يا ريت اللى يزود يفكر فى العمود مش يقول التقارب الفكرى مهو دة مبدء موجود فى عمود التفاهم لان كل عمود من الاعمدة فيه كتير من الطوب قصدى كتير من المبادئ
المهم اننا نتفق على الاعمدة وبعد كدة ندخل على مناقشة هذة الاعمدة بشكل عملى

الاحترام يامي هو عموده الخيمه الاساسي بدونها لانستطيع ان نقيم الخيمه .
الاحترام في كل شئ تخيلي زوجين يحترم كل منهما الاخر في رغباته ايكان نوعها النفسيه والجسديه وفي امكاناته الماليه والجسديه وفي خصوصياته الفكريه والعقائديه لا مانع ولابد ان يختلفا فنحن لسنا نسخا من بعض ولكن يظل الخلاف في وجهات النظر محدودا طالما احترم كل منهما الاخر

ماشى يا حشيش قد ادرجنا هذا العمود ضمن المسلح قصدى الاعمدة بتاع البيت هل لديك اقوال قصدى اعمدة اخرى
يا ريت محدش يقرر الاعمدة يا ريت اللى يدخل يقول انا موافق على الاعمدة ويذكرها بين قوسين مثلا ( الاعمدة التى توافقون عليها ) ويزود لو عندة زيادة

مع احترامي ليكي يا مي انتي قولتي ان في بيوت بتستمر رغم وجود المشاكل جواها بس هي في الاصل مستمره لان المجتمع فارض عليها الاستمرار لكن بتكون مش مستقره
في حاجه بتنقص بيوتنا كلنا من وجهه نظري ان حتي لو توافر الحب والاحترام والتفاهم بيفضل الرضا هو الاساس الرضا عن كل حاجه في الحياه الاسريه حتي الرضا بالمشاكل لان لو انا راضي هقدر اكمل واحل مشاكي واحافظ علي البيت وعلي الحب وعلي الاحترام وعلي التفاهم لان من غير الرضا مش هيكون في اساس لاي حاجه
ومش اقصد الرضا والقبول الي اتبني عليهم الجواز لا اقصد الرضا النفسي عن الوضع بعد الجواز لانه بيكون مختلف تماما عن الي الواحد عاشه قبل الجواز وخلاه يتجوز اصلا ههههههههه

هلا يا نو نورت الموضوع انا عن نفسى لا اوافق على ان الرضا عمود من الاعمدة
ياما ناش مش راضيه بالعيشه لا رضى نفسى ولا رضى فعلى وبرضه عايشين
انا بسئل على الاعمدة التى لا غنى عنها لاستمرار الحياة حتى لو مش راضيين
وتعالى نتخيل زوجين عايشين مع بعض غصبن عن بعض مش طايقين بعض ايه اللى المفروض يكون موجود ( الاعمدة ) لبقاء هذا الصرح الحياة البيت

وعاوزة تفاعل عاوزة حد يناقشنى اكتر

أولا : من الذي حدد أن أعمدة الزواج هي ثلاث ... هل هو شيء منزل من السماء ؟أم تجربة وراي بشر أو إنسان .
ثاانيا : التفاهم يعقبه كل شيء ...

هل تقصدين أن العمود الثالث هو الود والحب .. ؟لو كان هذا فهذا خطا لأنه نسبي وليس له الدوام..
ام تقصدين الوفاء في الحياة الزوجية ؟