تعريف بالصالون الدينى

الصالون الدينى
السلام عليكم اخوانى واخواتى اهلا بيكم فى النادى الدينى وتسمحولى اعرفكم بالنادى وهدفه بشكل سريع
يقول الله تبارك وتعالى فى كتابة العزيز
(( اقْرَأْ بِاسْمِ رَبِّكَ الَّذِي خَلَقَ (1) خَلَقَ الْإِنْسَانَ مِنْ عَلَقٍ (2) اقْرَأْ وَرَبُّكَ الْأَكْرَمُ (3) الَّذِي عَلَّمَ بِالْقَلَمِ (4) عَلَّمَ الْإِنْسَانَ مَا لَمْ يَعْلَمْ (5)))
اول امر كان اقرء يا ترى ليه اقرء ؟ طبيعى كان لازم يكون اول امر اقرء علشان ما فيش تقدم ولا حضارة ولا تغيير من غير اقرء . وانتم طبعا عارفين ان الهدف للصالون الثقافى فى البند الاول هو القراءة بس هنا فى النادى الدينى هيختلف الامرشوية عن باقى النوادى كل النوادى هدفها ( اقرء – استمتع – استفيد ) هنا بقى فى النادى الدينى هيكون ( اقرء – استمتع – استفيد – اعمل – اكسب الجنة )..عارفين ليه ؟
هقول لكم ليه.. مش هتلاقى اية تتكلم عن الايمان الا لما تجدها مقرونه بالعمل ((الذين امنوا وعملوا الصالحات )) علشان كدة فى النادى الدينى هنقرء ونعمل مش هنقرء بس ...
هنتفق على شيئ معين نقرئه مثلا سورة معينه بالتفسير بتعها ونتناقش فيها ونتفق على شيئ نعمله من خلال اللى استفدناة من السورة ...هنتفق على كتاب فى الاحاديث زى رياض الصالحين نحفظ منه احاديث او نعرف معناها ونتناقش فيها ..هنقرء فى الفقه والسيرة والقصص وحياة الصحابة هنفرء فى كل الفروع الدينيه وهنستفيد ان شاء الله بالمعلومة والعمل
عاوزة اقول حاجة تانية برضه مهمه هنستفيد منها هنا من خلال القراءة والمناقشات هيتكون لك فكر خاص بيك تقدر تحسم بيه قضايا وأرئ مختلف عليها هعطى لك مثال ممكن يطلع شخص يقول فتوى او يفجر قضية فى المجتمع تشغل الراى العام فالواحد بيبقى محتار لما ناس ذو مكانه تطلع تختلف فى الفتوة او القضية المثارة .ناس تقول حرام وناس تقول حلال. ناس تقول ينفع وناس تقول لا يجوز.وانت يا غلبان تحتار فى النص عارف القراءة الجيدة هتخلى عندك فكر تقدر من خلاله تحكم على الفتوى والاراء المثارة حولين اى قضية يعنى مش اى حد يتكلم نسمع ليه ونقول وراه امين لاء طبعا احنا ناس مثقفين والمفروض ان ثقافتك وقرئتك هتكون لك حصن ضد اختراق الافكار الغريبه الى عقلك .من خلال فكرك وثقافتك تقدر تحدد هتتبع مين اللى قال حرام ولا اللى قال حلال
ودلوقتى يلا ندخل ساحة النادى الدينى وطرح المناقشات بس تنبية يا جماعه للى هيتفضل يضع اقتراح كتاب او موضوع مش عاوزين نكرر مواضيع يعنى اللى هيقترح كتاب نقرئه او مقال او اى شيئ مش يضعه هنا لالا يتفضل يضع الكتاب او الموضوع فى القسم الدينى برة فى المنتدى الدينى اللى فى المنتدى الرئيسى وهنا يضع اللنك بتاعه بس وكمان ممكن يكون جايب الموضوع من منتدى تانى خالص ممكن يضع اللنك هنا برضه يبقى الاعضاء يدخلوا يعرفوا هما هيقرئوا ايه ويروحوا يقرئوها فى مكانها الاصلى يرجعوا يتناقشوا فيها هنا وكمان مش شرط اننا نقرء من على النت لاء احنا ممكن نتفق مثلا على قراءة جزء فى السيرة وكل واحد حر يقرء من المكان اللى يحبه ممكن يقرء من كتاب فى مكتبته اللى فى بيته ويرجع يدخل هنا يتناقش يا رب اكون قدرت اوصلكم المطلوب بشكل سهل يلا بقى ندخل ساحة النادى علشان نشوف هنقرء ايه ونرجع نتناقش فيه .

» تعريف عام بالصالون الثقافى
» التعريف بالصالون العلمي
» التعريف بالصالون السياسي
» تعريف التاريخ